Қазақстан Республикасы Энергетика вице-министрі Сұңғат Есімханов Риддер қаласының тұрғындарымен кездесіп, жергілікті жылу электр орталығының жағдайын талқылады. Сондай-ақ министрліктің Шығыс Қазақстан облысына қатысты жоспарларымен бөлісіп, азаматтардың сұрақтарына жауап берді, деп хабарлайды Altainews.kz тілшісі.

Кездесу барысында вице-министр министрліктің атқарған жұмыстары туралы қысқаша есеп беріп, тұрғындардың сұрақтарына жауап берді.

Оның айтуынша, қаладағы дағдарыс кезеңі артта қалды, бірақ жылу көзін жаңғырту жұмыстары әлі де жалғасуда. Қазіргі таңда Риддер ЖЭО қауіптің “қызыл аймағында” тұрғанымен, 2024 жылдың қорытындысы бойынша станцияның тозу деңгейі 58%-дан 46%-ға дейін төмендеген.
Жылу мәселесінен бөлек, тұрғындар экология, электрмен жабдықтау, аймақтағы гидроэнергетиканы дамыту және басқа да маңызды мәселелерді көтерді.
Кездесу соңында вице-министр азаматтарды жеке қабылдап, олардың өтініштері мен ұсыныстарын тыңдады.