«Шығыс арғымағы – 2025» атты ат көрмесі Глубокое ауданына қарасты Винное ауылында орналасқан «Титан» ат спорт клубының аумағында өтті. Шараға қатысушылар шабандоздық шеберліктерін көрсетіп, жүлделі орындар үшін бақ сынасты, деп хабарлайды Altainews.kz тілшісі.

Бағдарлама аясында спортшылардың көрсетілімдері – конкур, выездка, паралимпиадашылардың өнері және топтық ат шоуы ұсынылды. Сонымен қатар қолөнер жәрмеңкесі мен концерт ұйымдастырылды.

ШҚО шабандоздары олимпиадалық жарыстарда жүлделі орындарды иеленіп, халықаралық деңгейде өңір намысын абыроймен қорғап жүр.

Көрменің бас жүлдесін «UK Equestrian School» атты шабандоздар мектебінің иесі Александра Попова жеңіп алды.

Аймақта ат спортымен қатар иппотерапияға да ерекше көңіл бөлінуде. Бұл – шабандоздық арқылы емдік әрі оңалту әдісі.

ШҚО әкімі алдағы уақытта Риддер мен Ұлан ауданында шабандоздықпен байланысты жаңа спорттық бағыттардың енгізілетінін айтты.

Көрме аясында «Титан» клубында бейімделген ат спорты мен иппотерапия бойынша шеберлік сағаттары да өтті.

Елизавета Седых

Фото: Махаббат Ахметжанова

Видео: Евгений Щетников