Қайсенов кентінде көшет егуге 500-ден астам адам ат салысты
Ұлан ауданында жалпы 4 мың көшет отырғызылмақ, деп хабарлайды Altaynews.kz тілшісі.
Қазақстан Республикасының Президенті Қасым-Жомарт Тоқаевтың тапсырмасы бойынша «Таза Қазақстан» экологиялық акциясы өтіп жатыр. Бүгін «Жасыл аймақ» апталығында еліміздің барлық аумағында, оның ішінде облысымызда көшет отырғызу жұмыстары белсенді жүріп жатыр.
- Мектеп оқушылары, еріктілер және белсенділердің көмегімен 4000 көшет отырғызуды жоспарлап отырмыз, - деп хабарлады Ұлан ауданы әкімдігі. - «Жасыл аймақ» апталығы аясында Қасым Қайсенов кентіндегі Райымжан Мәрсеков атындағы орта мектеп аумағында 500-ден астам адам абаттандыру, көшет отырғызу, аумақты қоқыстан тазарту жұмыстарына белсенді атсалысты. Акция тек экологиялық компонентке ғана емес, жастарды тәрбиелеуге де бағытталған.
Оқи отырыңыз
