11 маусым күні кешкі сағат 20:00-де Өскеменде маса мен шіркей сияқты қан сорғыш жәндіктерге қарсы улау (дезинсекция) жұмыстары басталады. Бұл жұмыстар екі жерде өтеді: Комсомол аралы мен Славский жағалауы (Үлбі көпірінен Ғашықтар аллеясына дейінгі аумақ), деп хабарлайды  Altainews.kz тілшісі.

Қалалық тұрғын үй-коммуналдық шаруашылығы бөлімі қала тұрғындарын сақтық шараларын ұмытпауға шақырады. Атап айтқанда, у шашылатын уақытта сол аумаққа бармаған дұрыс, ал үй жақын болса, терезелерді жауып қою керек.

Дезинсекция қаланың тыныш және жайлы болуына бағытталған. Кешке – скверлер мен демалыс аймақтарында, күндіз – маса көбейетін сулардың маңайында, дренаж жүйелерінде жүргізіледі. Улау жұмыстарын арнайы мамандар атқарады. Қолданылатын дәрілер адамдар мен жануарларға зиянсыз – олар тиісті сертификаттардан өткен.

Елизавета Седых