Туристерді тартқымыз келсе, маса-шіркеймен күрес те өзекті іс - ШҚО әкімі
Шығыс Қазақстан облыстық әкімдігінде өтіп жатқан отырыста аймақ басшысы Ермек Көшербаев Марқакөл ауданы, Қалжыр ауылында жыл сайын туындайтын маса-шіркей мәселесін шешуді аудан басшылығына тапсырды,- деп хабарлайды Altainews.kz тілшісі.
- Туристік аймақ болуды көздеп отырсыздар. Ол үшін ең алдымен, маса-шіркей мәселесінің шешімін табу керек. Әйтпесе, кейін туристер Марқакөлге жабайы табиғатты ғана көруге келетін болады. Арнайы құрылғылар алып, маса-шіркейді азайту үшін ауылдың шетіне болсын орнату керек, - деді Ермек Көшербаев.
Өз кезегінде аудан басшысы Рүстембек Кемешев маса-шіркеймен күресте тиісті жұмыстар атқарылатынын, алайда нәтижесі көңіл көншітпейтінін атап өтті.
- Қытай еліне жақын орналасқан соң бұл мәселе бізде уақытша болады. Себебі маса-шіркейді улау жұмыстарын көршілес мемлекет тоқтатып тастаған. Ал біздің тарап жалғыз күресіп отыр. Егер қос мемлекет бірге күрессе, нәтижелі болар еді, - деді Рүстембек Кемешев.
Ажар Мұратқызы
Оқи отырыңыз
Алакөлдің масасын не істейміз? Әкім тапсырма бердіМарқакөлде масаларды улау жұмысы жүргізіліп жатыр«Марқакөлдегі масалар адам өлтіреді». Масалар ауыл тұрғындарының мазасын қашырдыМаса, жылан, қарақұрт, кене. Шағатын жәндіктерден зардап шеккенде не істеу керек?Самар ауданында заңсыз туристік қызмет көрсететін кәсіпкерлер анықталады
