Петропавл қаласында халықаралық дәрежедегі спорт шебері, капитан Азамат Нұрпейісовті еске алуға арналған қоян-қолтық ұрыстан турнир өтті. Ұлттық ұлан әскери қызметшілері арасында ұйымдастырылған бұл жарыста «Шығыс» өңірлік қолбасшылығының сарбаздары үздік нәтижелер көрсетті, деп хабарлайды Altainews.kz тілшісі. 

Әсіресе, Өскемендегі 3477 әскери бөлімінің әскери қызметшісі, кіші сержант Курбанжан Гуламдунов 80 келі салмақ дәрежесінде қарсыластарын айқын басып озып, бірінші орынды жеңіп алды.

Курбанжан – қоян-қолтық ұрыстан спорт шеберлігіне үміткер. Ол қатарынан төрт жыл бойы әскери бөлім намысын әртүрлі сайыстарда лайықты қорғап келеді.

Ұлттық ұлан арасындағы бұл жарыста топ жарған ол алдағы уақытта Ішкі істер министрлігіне қарасты құқық қорғау органдары мен күштік құрылымдар арасындағы республикалық турнирге қатыспақ.

Үш күнге созылған турнир қорытындысы бойынша жеңімпаздарға кубоктар мен чемпиондық белбеулер табысталды.

«Шығыс» өңірлік қолбасшылығының баспасөз қызметі