2025 жылы Марқакөл ауданы аумағында маса мен шыбын-шіркей сияқты қан сорғыш жәндіктердің санын азайту мақсатында кешенді дезинсекциялық жұмыстар қолға алынды. Бұл шараға аудандық бюджеттен 30 миллион теңге бөлініп, арнайы биологиялық препарат қолданылуда, деп хабарлайды Altainews.kz тілшісі.

Марқакөл ауданы әкімінің міндетін уақытша атқарушы Нұрсұлтан Бейсеновтің айтуынша, жұмыс басталар алдында Ертіс өзенінің Марқакөл өңіріндегі жайылымдық алқаптарда энтомологиялық зерттеу жүргізілген. Зерттеуге биология саласының ғылыми мамандары тартылып, маса мен шыбын-шіркейдің мекен ету ортасы мен дернәсілдерінің таралу ауқымы анықталған.

Алғашқы нәтижелер биопрепараттың тиімділігін көрсетіп отыр. Дернәсілдерді жою арқылы жәндіктердің көбеюі мен таралуы айтарлықтай тежелген. Жұмыстар тамыз айына дейін жалғасады.