Сарыөлеңде келер жылы ауызсу мәселесі толық шешіледі – Күршім
Шығыс Қазақстан облысының әкімі Нұрымбет Сақтағанов Күршім ауданына барып, тұрғындармен кездесті. Жиында жолдардың сапасы мен ауылдағы инфрақұрылым жайы сөз болды, деп хабарлайды Altainews.kz тілшісі.
Қалжыр – Қалғұты және Қалжыр – Аққайың бағыттарындағы жолдарда орташа жөндеу жүріп жатыр. Жаңа асфальт тұрғындарға қолайлы болғанымен, ауыр жүк көліктері артық салмақпен жүрсе, жолдың сапасы тез бұзылуы мүмкін. Ауданда көлік полициясының бөлімшесі болмағандықтан, бұл жағдай алаңдаушылық тудырып отыр.
Облыс әкімі бұл мәселе тек Күршімде емес, өзге аудандарда да бар екенін айтты.
– Шемонаиха мен Майқапшағай жаққа кіреберістерге таразы орнату керек. Алтай мен Риддердегі ірі өндіріс орындары да жолды бүлдірсе, жөндеу жұмыстарына қатысуға тиіс. Экономика басқармасы осы бағытта ұсыныс дайындасын, – деді Нұрымбет Сақтағанов.
Сарыөлең ауылының тұрғындары ауызсудың аздығына шағымданды.
– Өткен жылы жобалық-сметалық құжат дайындалды. Конкурс та өтті. Мердігер өз қаржысына жұмысты бастап кетуі керек. Биыл құрылыс басталады. Келер жылы Сарыөлеңде су мәселесі толық шешіледі, – деді облыс әкімі.
Оқи отырыңыз
ШҚО әкімі: «Биыл Күршім ауданында 40 шақырымнан астам жол жөнделеді»Күршімде биыл қолға алынған 11 жоба. Ол қай нысандар?ШҚО-да жауған қарға қарамастан жол жөндеу жұмыстары жүріп жатырКүршім ауданы 12 жылда алғаш рет жаңа ветеринарлық техникаға қол жеткіздіХалық жинаған қаржыға Күршімге 20 аппарат жеткізілді
