Зайсан ауданының тұрғындары «Бірге – таза Қазақстан» тазалық акциясына үн қосты.

Ұйымдастырушылар аудан тұрғындарын, барлық мекеме қызметкерлерін тазалық жұмыстарын жасауға, қажырлы еңбек етуге және 2023 жылдың әр сенбісі күні өтетін көктемгі «Бірге – таза Қазақстан» акциясына белсенді қатысуға шақыруда, деп хабарлайды Altaynews тілшісі.

Айта кетейік, жыл соңында ауласының сыртын гүлмен көмкеріп, көпке үлгі болған тұрғындар «Үлгілі үй», «Үлгілі мекеме», «Үлгілі көше», «Үлгілі мектеп», «Үлгілі ауыл» аталымдары бойынша арнайы жүлделермен марапатталмақ.

Аталған акцияға мемлекеттік қызметкерлер, аудандық мәслихаттың депутаттары, кәсіпорындар, мекемелер қызметкерлері, қоғамдық ұйымдар мен зиялы қауым өкілдері, еріктілер және аудан жастары белсенді қатысып жатыр.