Оңтүстікте бір бос орынға - екі үміткер, солтүстікте бір түйіндемеге- екі бос жұмыс орны.
2024 жылғы наурызда Enbek.kz электрондық еңбек биржасында (бұдан әрі – ЭЕБ) белсенділіктің төмендеу үрдісі жалғасты.
Қолжетімді бос жұмыс орындарының саны ақпанмен салыстырғанда 7% - ға төмендеп, 75,2 мың бірлікке жетті, ал түйіндеме саны 29% - ға азайып, 80,8 мың бірлікті құрады деп хабарлайды Altainews.kz тілшісі Қазақстан Республикасы Еңбек және халықты әлеуметтік қорғау министрлігінің баспасөз қызметіне сілтеме жасап .
Алдыңғы айдағыдай, наурыз айында да түйіндеме санының айтарлықтай төмендеуі біліктілігі жоқ жұмыскерлермен байланысты болды: ақпан айымен салыстырғанда осы санаттағы ұсыныстар саны 40% - ға немесе 15,3 мың түйіндемеге қысқарды.
Жалпы біліктілік құрылымында сұраныс пен ұсыныс арасындағы тепе-теңдік байқалған. Осылайша, барлық бос жұмыс орындарының үштен бір бөлігі (21 мың) жоғары білікті кадрлар үшін, 48%-ы (36 мың) орта білікті және 24%-ы (18,2 мың) біліктілігі жоқ кадрлар үшін орналастырылған.
Сонымен бірге наурыз айында, ақпан айындағыдай, бос жұмыс орындарының көпшілігін (80%) заңды тұлғалар орналастырды.
Бос орындар саны Қазақстанның төрт өңірінде ғана өсіп отыр: Қарағанды (+16% немесе 919 бос жұмыс орны), Абай (+11% немесе 256 бос жұмыс орны), Солтүстік Қазақстан (+8% немесе 210 бос жұмыс орны) және Қызылорда (+6% немесе 133 бос жұмыс орны) облыстарында өсім байқалады.
Ең көп түйіндемені Түркістан өңірінен (10 мың түйіндеме), сондай-ақ Алматы облысы мен Алматы қаласынан (5,6 мың түйіндеме бойынша) жұмыс іздеушілер орналастырды.
Түйіндеме мен бос жұмыс орындарын өңірлік бөлуде теңгерімсіздік сақталады. Дәстүрлі түрде артық жұмыс күші бар оңтүстік аймақтарда бір бос орынға екі үміткерден келеді. Сонымен қатар солтүстік аудандарда бір түйіндемеге екі бос жұмыс орны бар.
Наурызда жұмыс берушілер жалақының ең көп мөлшерін объективті бақылау жөніндегі инженерлерге (орта есеппен 650 мың теңгеден бастап), өндіруші өнеркәсіптегі учаскелер бастықтарына (628 мың теңгеден бастап), сондай-ақ бас құрылысшыларға (627 мың теңгеден бастап) ұсынған. Жұмыс іздеушілер арасында ең жоғары жалақыны құрылыстағы өндіріс бастығының орынбасары (орта есеппен 1,1 млн теңгеден бастап), мұнай өндіру шебері (937 мың теңге) және коммерциялық кәсіпорындар директоры (819 мың теңге) лауазымдарына үміткерлер сұрады.
