Ғылым күні қарсаңында А.С.Пушкин атындағы облыстық кітапханада жас ғалымдар жобасының таныстырылымы өтті.

«Геология майталманы» атты іс-шара көрнекті геолог-ғалым, мемлекет және қоғам қайраткері Қаныш Сәтбаевтың 125 жылдығына да орайластырлыған, деп хабарлайды Altainews.kz тілшісі. 

Тағылымды шара көрнекті ғалымның жарқын жетістіктері мен ел дамуына қосқан елеулі үлесі туралы баяндалатын «Геология майталманы» атты ақпараттық бейнероликпен басталды. Содан кейін жас ғалымдар жобаларын таныстырды.

Сондай-ақ, ең жас зерттеушілер де өз ғылыми жобалары мен шығармашылық жұмыстарын ұсынды.  Олар –  Күршім ауданы, Күршім ауылының № 3 мектеп-гимназиясы оқушылары көру қабілеті бұзылған адамдарға арналған ультрадыбыстық білезік ұсынса, "Ахмер орта мектебі" оқушылары өсімдіктерді өсірудің тиімді әдісі – гидропоника туралы таныстырды.