Қазақ даласының әр түкпірін түйір тасына дейін танып білген геолог-ғалым, қоғам қайраткері, геология-минералогия ғылымдарының докторы Қаныш Сәтпаевтың туғанына биыл 125 жыл болады.

Ғалымның мерейтойына орай облыстық тарихи-өлкетану музейінде «Дала академигі» атты көрме ашылды, деп хабарлайды Altainews.kz тілшісі.

Көрме төрінен орын алған фотосуреттер мен құжаттар көрнекті ғалымның көп қырлы ғылыми және әлеуметтік қызметінен сыр шертеді. Сондай-ақ қазақ даласынан табылған жер қойнауы байлықтары да көрме арқылы көпшіліктің назарына ұсынылған.

Қаныш Сәтбаев геологиялық теорияның дамуына зор үлес қосты. Ғалымның зерттеулері Қазақстанның бай табиғи ресурстарының ашылуына ықпал етті. «Дала академигі» Жезқазғанның жер қойнауында сансыз байлық бар екенін дәлелдеп, ерекше атаққа ие болды.

Музейдегі көрмені көпшілік қауым кез келген уақытта барып тамашалай алады.

Фото: Валерий Шведов

Видео: Жәнібек Серік