ШҚО-да 500-ге жуық адамды кене шақты
фото: dezinsektor.spb.ru
Шығыс Қазақстан облысында күн жылынғаннан бері 500-ге жуық адамды кене шаққан. Оның 35-і бала. Дегенмен мамандардың айтуынша, аймақта әзірге кене энцефалитін жұқтырғандар тіркелген жоқ. Алайда кене энцефалиттен басқа 30 шақты аурудың вирусын тарататынын естен шығармау керек, деп хабарлайды Altainews.kz тілшісі.
Сондықтан кененің шағуын әдеттегі жағдайға балап, салғырттық танытуға болмайды. Санитар-дәрігерлердің айтуынша, облыста иммуноглобулин препаратының қоры жеткілікті.
Екпе салатын арнайы кабинеттер де ашылған. Қазір өңірдегі кене ошағы бар аумақтарды залалсыздандыру жұмыстары басталып кетті. Мамандардың мәліметі бойынша, жәндіктерден зиян шеккендердің көбі Алтай, Тарбағатай, Қатонқарағай сияқты таулы аудандар мен Риддер, Өскемен қаласының тұрғындары.