«Шығыс Қазақстан ауылшаруашылық тәжірибе станциясы» ЖШС соңғы бес жылда ауыл шаруашылығы дақылдарының 50-ден астам сорты мен будандарын мемлекеттік сынауға тапсырды, деп хабарлайды Altainews.kz тілшісі.

Өнімді сорттар мен будандар, жоғары сапалы тұқымдар дақылдарды өсірудің озық технологияларын дамытуда маңызды рөл атқаратыны атап өтілді.

Директордың айтуынша, «Нұр-38» күздік бидайдың жаңа сортын, «Өскемен» күздік қара бидайының жаңа сортын, сондай-ақ басқа да өнімді сорттар мен будандарды көрсетеді.

Айта кетсек, «ШҚ ауылшаруашылық тәжірибе станциясы» ЖШС элиталық тұқым шаруашылығы мәртебесіне ие, күнбағыс, соя, бидай және жемшөп дақылдарының көптеген сорттары мен будандарының бастаушысы болып саналады.

Оның құрылымына майлы және дәнді дақылдар, жем-шөп, картоп, жеміс-жидек, мал шаруашылығы бөлімдері, сондай-ақ жаңа технологиялар зертханасы кіреді.

Зерттеулер алты ғылыми бөлімде жүргізіледі, онда ғалымдар ауылшаруашылық дақылдарын өсіру және тұқым өсіру, марал және ара шаруашылығы салаларында технологияларды дамыту және ғылыми жұмыстармен айналысады.