Өскеменде Ұлттық ұланның «Шығыс» өңірлік қолбасшылығына қарасты әскери бөлімдердің тәрбие және әлеуметтік-құқықтық жұмыстары жөніндегі бөлім бастықтары және батальондар командирлерінің орынбасарларымен оқу-әдістемелік жиын өтті, деп хабарлайды Altainews.kz тілшісі.

ҚР Ұлттық ұланның «Шығыс» өңірлік қолбасшылығы баспасөз қызметінің мәліметінше, жиынға Павлодар, Семей, Курчатов және Өскемен қаласынан 15 офицер қатысты.

Шараның негізгі мақсаты – тәрбиелік сипаттағы күнделікті іс-шараларды ұйымдастыруда әдістемелік дағдыларды жетілдіру.

Қатысушылар жеке құрамды тәрбиелеуде жаңа тәсілдерге бет бұрып, өзара пікір алмасу арқылы өзекті мәселелерді егжей-тегжейлі талқылады.

Сондай-ақ тәрбиеші-офицерлер дене дайындығы мен басшылық құжаттардан сынақ тапсырып, байқауға қатысты.

Тәрбиешілердің  кәсіби  шеберлігін  шыңдауға  бағытталған шараның  қорытындысы  бойынша үздік тәрбиеші офицерлер  мақтау  қағаздарымен  марапатталды.