Тарбағатайдағы перзентханаға күрделі жөндеу жұмыстары жүргізілді
Тарбағатай ауданында медицина саласы қарқынды дамып келеді.
Күні кеше аудандық аурухананың перзентхана бөлімінде күрделі жөндеу жұмыстары жүргізіліп, салтанатты түрде ашылды, деп хабарлайды Altaynews.kz тілшісі.
Бұл күнді тарбағатайлықтар көп күткені рас. Себебі бұған дейін жүкті әйелдерге облыс орталығына баруға тура келетін. Енді жас аналар заманауи аппараттармен жабдықталған, әдемі перзентханада сәбилерін бауырына баса алады.
Естеріңізге сала кетейік, өткен жылы аталмыш ауданда 6 жаңа медициналық пункт ашылып, 2 пункт күрделі жөндеуден өткен болатын. Ағымдағы жылы 3 ауылда (Асусай, Жамбыл, Байтоғас, Қабанбай) жаңадан медициналық пункттер салу жоспарланып отыр.
Сонымен қатар аудандық аурухананың тағы бірқатар бөлімдеріне күрделі жөндеу жұмыстары жүргізілмек.