ШҚО-да мәдени нысандардың құрылысына 2 миллиардқа жуық қаржы жұмсалған
Шартты сурет
ШҚО-да соңғы үш жылда мәдени нысандардың құрылысына екі миллиард теңгеге жуық қаражат жұмсалған.
Барлық нысандар ауылдық жерлерде ашылған. Олардың ішінде екі мәдениет үйі, мұражай және ауылдық клуб бар, деп хабарлайды Altaynews тілшісі.
- Соңғы үш жылда 1,8 миллиард теңгеден астам сомаға төрт мәдени нысан салынды. Салынған нысандардың ішінде: Глубокое ауданының Глубокое ауылындағы 300 орындық мәдениет үйі, Бестерек ауылындағы мұражай, Зайсан ауданындағы 150 орындық мәдениет үйі және Топқайың ауылындағы 80 орындық ауылдық клуб, - деді ШҚО мәдениет басқармасының басшысы Нұрболат Ахметжанов.
Оның айтуынша, өткен жылы өңірдің мәдени нысандарын жөндеуге 175 миллион теңгеден астам қаражат жұмсалған.
