Риддерлік құтқарушылар биік ағашқа шыққан қызды құтқарды
Риддер қаласының құтқарушыларына 2012 жылы туған қыздың анасы қоңырау шалып, көмек сұрады.
Белгілі болғандай, оның қызы көшеде ойнап жүріп, биік ағашқа шығып, сосын түсе алмай қалған. Қыз бала қатты қорқып, жылап отырды, деп хабарлайды Altaynews тілшісі.
14-ӨСБ құтқарушылары оқиға орнына келіп, үш иінді баспалдақты орнатып, шамамен 8 метр биіктікке көтеріліп, баланы аман-есен жерге түсірді.
ШҚО ТЖД ата-аналарға балаларды қараусыз қалдырмауды ескертеді. Балалармен қауіпсіз іс-әрекет ережелері бойынша түсіндірме әңгімелер өткізу қажет. Төтенше жағдай кезінде 112 нөміріне хабарласыңыздар, деп ескертеді ШҚО ТЖД баспасөз қызметі мамандары.
