Алтай ауданының полиция қызметкерлері «Қарасора» жедел-профилактикалық іс-шарасын өткізу барысында өз үйінде есірткі заттарын сақтаған Алтай ауданының тұрғынына қатысты жедел ақпарат алған.

Күдіктінің үйін жедел тінту барысында ақпарат расталып, ұнтақ пен түйіршік түріндегі зат салынған 10 полимерлі пакет, сондай-ақ орауға арналған заттар мен өлшеуге арналған таразы, изолента және пакеттер табылып, тәркіленді, деп хабарлайды Altaynews тілшісі.

Сараптама қорытындысына сәйкес, тәркіленген зат салмағы 145, 76 грамм болатын "Альфа-pvp"  және салмағы 124, 13 грамм "мефедрон" психотроптық заты екені анықталған.

Айта кету керек, есірткі құралдарын, психотроптық заттарды, олардың аналогтарын аса ірі мөлшерде өткізу мақсатынсыз заңсыз дайындау, қайта өңдеу, сатып алу, сақтау, тасымалдау үш жылдан жеті жылға дейінгі мерзімге бас бостандығынан айыруға әкеп соғады.