KZ
Өскемен
+7°
пасмурно жел 1,4 м/с, ОБ
441.58 480 4.86

Есірткі тасымалдаған тұрғын ұсталды - ШҚО

10.03.2022, 12:03 238

Ағымдағы жылдың қаңтар айының соңында жедел-алдын алу іс-шарасын өткізу барысында Есірткі қылмысына қарсы күрес басқармасының қызметкерлері есірткі құралдарын заңсыз сақтады деген күдікпен қаладағы тұрақ орындарының бірінде облыс орталығының 49 жастағы тұрғынын ұстады.

Күдікті азаматты тергеу барысында полицейлер оның есірткі сататын интернет-дүкеннің кепілгері болғанын анықтаған. Тінту барысында оның автокөлігенен скотчпен және фольгамен оралған 50 полимерлік түйіншек табылып, тәркіленді.

Сараптама қорытындысына сәйкес, табылған заттар салмағы 15,40 грамм «Альфа PVP» психотроптық заты және салмағы 18,60 грамм метикатинон психотроптық затының аналогы мефедрон екені анықталды.

- Күдікті уақытша ұстау изоляторына қамалды. Қазіргі уақытта ҚР ҚК-нің 297-бабының 3-бөлігі – «Есірткі заттарды, психотроптық заттарды, сол тектестерді өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту не өткізу» бойынша сотқа дейінгі тергеу жүргізілуде, осы баптың санкциясы 10 жылдан 15 жылға дейінгі мерзімге бас бостандығынан айыруды көздейді, - деп хабарлайды ШҚО ПД баспасөз қызметі.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив