Алтай ауданында коммуналдық кәсіпорын есепшісі 12 млн теңге жымқырған
Фото: stan.kz
Алтай ауданында 12 млн теңге жымқырған коммуналдық кәсіпорын есепшісі сотталды.
Коммуналдық кәсіпорын қызметкері өзінің жеке банктік шоттарына бюджет қаражатын заңсыз аударып алған, деп хабарлайды Altainews.kz тілшісі.
- Өзінің қызметтік лауазымын асыра пайдаланған есепші бірнеше жыл бойы мемлекеттік бюджет қаражатын жеке банктік шоттарына заңсыз аударып отырған. Бүгінде келтірілген шығын көлемі 12 264 882 теңгені құрап отыр, - деді Алтай аудандық сотының баспасөз қызметі.
Шоттағы ақша жетіспеушілігі анықталған соң іс сотқа жеткізілді. Сот шешімімен әйел ақша жымқырғаны үшін кінәлі деп танылды. Сотталушыға 3 жарым жылға бас бостандығынан шектеу жазасы тағайындалды. Үкім әлі заңды күшіне енген жоқ.
Оқи отырыңыз
