Өскемен: Ақпанда 50-ден астам нысанған «бомба» қойылған
14 ақпан күні облыс орталығындағы бірнеше мектепке тағы да «бомба қойылғаны» туралы хабарлама тарады. Алайда, тексеру нәтижелеріне сәйкес, объектілерде ешқандай қауіпті зат табылмаған.
Жауапты органдар қазіргі уақытта терроризм актісі туралы көрінеу жалған хабар тарату фактісі бойынша тергеу жүріп жатқаны туралы айтты, деп хабарлайды Altaynews тілшісі.
- 14 ақпан күні 23 мектепке жарылғыш зат қойылағын туралы хабарлама түскен. Тексеру нәтижесінде ешқандай қауіпті зат табылған жоқ. Күдіктілерді анықтауға бағытталған арнайы тергеу-жедел іс-шаралар кешені жүргізілуде, - деп атап өтті ШҚО ПД бастығының орынбасары Медет Бердімұратов.
Сондай-ақ ол жалған ақпарат таратушылар заманауи интернет-технологияларды қолданып отырғандықтан мамандардың жұмысын едәуір қиындатып жатқанын түсіндірді.
- Интернетпен жұмыс істеу – өте күрделі. Себебі онда IP мекенжайлары секунд сайын өзгереді. Тексеру ұзақ уақытты алады. Күдіктілерді табу мүмкіндігі бар. Қазір барлық нұсқалар пысықталуда, - деді Медет Тасырханұлы.
ШҚО ПД таратқан ақпаратқа сүйенсек, 6 ақпаннан бастап Өскеменде барлығы 50-ден астам нысанға «бомба қойылғаны» туралы жалған ақпарат тараған.
Оқи отырыңыз
Мектепке «бомба қойылғаны» туралы ақпарат жалған болып шықты – Өскемен«Бомба қойылды». Өскеменде жалған ақпарат таратқандар іздестіріліп жатырӨскеменде мектептерді тексеру аяқталып, соталды тергеу басталдыӨскемендік оқушы жарылғыш зат туралы жалған ақпарат бергенӨскеменнің полицейлері 26 мектептен бомба іздеді
