Елбасы Нұрсұлтан Назарбаевтың жиен немересі Айсұлтан Назарбаев 16 тамыз күні түнде Лондон қаласында қайтыс болды, деп хабарлайды Altaynews тілшісі zakon.kz сайтына сілтеме жасап.

Алдын ала ақпарат бойынша, жүрегі тоқтап қалған.

Айсұлтан Рахатұлы 10 күннен кейін 30 жасқа толар еді.

Айсұлтан Назарбаев - Дариға Назарбаева мен Рахат Әлиевтің екінші ұлы. Ол 1990 жылы 26 тамызда дүниеге келген. Сандхерсттегі Британ корольдік әскери академиясын (2009-2010) және КИМЭП университетінің магистратурасын "бизнес-әкімшілік" мамандығы бойынша тәмамдаған. Қазақстанның Қорғаныс министрлігінде Бас барлау басқармасында қызмет етті. Футболмен айналысқан, бірнеше қазақстандық және шетелдік клубта, соның ішінде "Портсмута" жасөспірімдер командасында өнер көрсетті. ФИФА, УЕФА халықаралық ұйымдарымен және Ұлттық қауымдастықтармен байланыс жөніндегі Қазақстан футбол федерациясының вице-президенті болған.