Жарма ауданына қарасты Жаңғызтөбе кентінде мәдени шаралар өткізетін орын пайда болады, деп хабарлайды Altaynews тілшісі.

Бұл туралы аудан әкімі Ахметқали Нұрғожин әлеуметтік желідегі парақшасында жазды.

Кентте көп жылдар бойына Мәдениет ошағы болмаған екен.

- Былтыр осы мәселеге мән беріп, қолайлы ғимарат сатылып алынған болатын. Тиісінше құрылысқа қажетті құжаттар әзірленіп, таяуда облыстық бюджеттен қаржыландырылды. Бүгінде ғимаратты қайта құру жұмыстары қарқын алды. 100 орынға арналған мәдениет ошағы теміржолшылар кентінің басты қоғамдық, мәдени шараларының отауы болады. , - дейді аудан басшысы.