Шығыс Қазақстан облысында шомылу маусымы басталғалы бері 16 адам суға кетті. Оның алтауы – кәмелет жасқа толмаған, деп хабарлайды Алтайньюс тілшісі.

Суға кеткендер Семей қаласында  көп. Жаз басталғалы бері мұнда 6 адам суға кетсе, Өскемен қаласы мен Глубокое, Алтай аудандарында екі адамнан, ал Бородулиха, Ұлан, Үржар және Зайсан аудандарында бір адамнан суға кеткен.

– Әдеттегідей, қайғылы оқиғалардың барлығы да адамдардың өз жауапсыздығынан болып отыр. Бірі өз шамасын білмейді, бірі қауіпсіздік шараларын сақтамайды. Сондай-ақ үлкендер балаларды қараусыз қалдырған жағдайлар да кездесті, – деп мәлімдеді облыстық ТЖД.