Семей аумағында Ертіс өзеніне шомылып жүрген 10 жастағы бала белгісіз жағдайда қаза болды, деп хабарлайды Altaynews тілшісі.

Қайғылы оқиға 29 маусымда болған.

ШҚО ТЖД ақпараты бойынша, 10 жастағы ұл бала әжесімен бірге суға шомылуға барыпты. Біраз уақыттан кейін әжесі немересін судан ес-түссіз күйде тауып алып, жағаға шығарған. Баланы дереу жақын маңдағы медициналық мекемеге жеткізгенімен, оны аман алып қалуға үлгермеді.

Оқиғаның мән-жайы анықталуда.