Глубокое ауданының әкімі Ерлан Аймұқашев Уваров ауылына жұмыс сапарымен барды, деп хабарлайды Алтайньюс тілшісі.

Аудан әкімі түрлі сүт өнімдерін өндіретін «Восход-Молоко» кәсіпорынына барды.

«Жұмыс сапарымен Уваров ауылына барып, «Восход-Молоко» ЖШС-ны аралап көрдім. Кәсіпорын басшысы Евгений Псарев өндіріс барысымен түгел таныстырды. Жергілікті шаруа қожалықтарынан сүт жинап, дайын өнімді шығарғанға дейінгі үрдісті толық бақылап көрдік. Өнімдер барлық жоғары стандартқа сай», – деп жазды Ерлан Аймұқашев  Instagram парақшасында.

Аудан әкімінің айтуынша, кәсіпорын алдағы уақытта өндіріс көлемін ұлғайтып, заманауи жабдықтарды алдуы жоспарлап отыр.