Өскеменде трамвай жолын жөндеу жұмыстары жалғасуда, деп хабарлайды Алтайнюс тілшісі.

Қазір көлік компаниясы Назарбаев даңғылындағы рельстердің ортасына төселген плиталарды ауыстырып жатыр. ТҮКШ, жолаушылар көлігі және автомобиль жолдары бөлімінің басшысы Еркін Тұраровтың айтуынша, ресльстің көлікті бұратын бөлшектері мен өткелдер жөнделеді.

Дәл осындай жұмыстар алдағы уақытта Шәкәрім даңғылында жасалады. Ал Абай даңғылында рельс бойындағы асфальт тегістеледі. Сондай-ақ Қазақстан және Қабанбай көшелерінің қиылысында жөндеу жұмыстары жүргізіледі.