Аягөзде аллея салынады – ШҚО
Аягөз ауданының орталығына аллея салынады. Бұл туралы аудан әкімі Сейілбек Ысқақов мәлімдеді.
– Бүгін Қабанбай батыр көшесіндегі (Битан тау) аллея құрылысының жұмыстарын жүргізетін мердігер мекеме өкілімен кездестім. Кездесу барысында болашақта қала тұрғындары мен қонақтары демалатын нысан құрылысының сапалы салынуын басты назарда ұстау керектігін ескерттім, – деп жазды аудан әкімі.
Сонымен қатар Сейілбек Ысқақов Аягөз балалар арнайы әлеуметтік қызмет көрсету орталығына барды.
– Орталықтың қызметкерлерімен еркін сұхбат жүргізіп, көтерген сауалдарына жауап беріп, қалада атқарылып жатқан жұмыстардан ақпарат бердім. Мекемеге қосымша салынған нысанды аралап, мердігер мекеме өкіліне анықталған ақаулықтарды жоюды тапсырдым, – дейді Аягөз ауданының әкімі.
