Қазақстан азаматтарына ҚХР-на және коронавирус инфекциясы тіркелген 23 мемлекетке шықпау туралы ескертті, деп хабарлайды Altaynews тілшісі.

Бұл туралы Денсаулық сақтау министрі Елжан Біртанов мәлім етті,

- Қытай еліне және коронавирус тіркелген 23 мемлекетке шықпауға кеңес беремін. Жалпы осы кезеңде халықаралық саяхатқа шығуды шектеген жөн, - дейді министр.

Қазіргі таңда коронавирустың таралуының онлайн-картасындағы мәліметтерге сәйкес, инфекция Қытай, Таиланд, Гонконг, Жапония, Сингапур, Австралия, Малайзия, Макао, Оңтүстік Корея, АҚШ, Франция, Германия, БАЭ, Канада, Италия, Тайвань, Вьетнам, Камбоджа, Финляндия, Үндістан, Нпал, Филиппины және Шри-Ланкада тіркелген екен. Ресей мен Ұлыбританияда коронавирустың екі жағдайы тіркеліп отыр.

31 қаңтардағы соңғы мәліметтер бойынша, Қазақстанда 41 адамды коронавирус инфекциясына тексеріп жатыр.