ШҚО-да жыл аяғына дейін тағы да сегіз көпқабатты (558 пәтер) тұрғын үйдің құрылысы басталады. Бұл туралы кеңейтілген аппарат кеңесінде облыс әкімінің орынбасары Бақытжан Байахметов баяндады.

– Биыл облыста 2 665 адам Тұрғын үй құрылыс жинақ банкі арқылы пәтер алады. Оның 923-і несие, 1393-і арендалық төлем, 349-ы өз қаржысымен алған. Осы жылдың аяғына дейін тағы да сегіз көпқабатты (558 пәтер) тұрғын үйдің құрылысы басталады, – деді Бақытжан Байахметов.

Оған облыс әкімі Даниал Ахметов аудан орталығы мен шағын қалаларға екі, үш қабатты үйлерді салуды бастауды тапсырды.

– Аудан орталықтарына да үйлерді салуды бастау керек. Үйлердің екі, әрі кетсе үш қабатты болғаны жөн. Аудан орталықтарына 5-9 қабатты биік-биік үйлер салудың қажеті жоқ, – деді Даниал Ахметов.