ШҚО-да үй кезегінде тұрған көпбалалы отбасылардың 23 пайызы баспанамен қамтылды, деп хабарлайды Аltaynews тілшісі.

Бүгін облыстық мәслихаттағы «Нұр Отан» партиясы фракциясының жиналысы өтті. Онда партияның облыстық филиалының төрағасы Даниал Ахмегов баяндама оқыды. Баяндамада айтылған сандарға сенсек, облыста 388 көпбалалы отбасы баспана алған. Бұл – үй кезегінде тұрған барлық көпбалалы отбасының 23 пайызы.

388 үйдің 231-і – «Парыз» қорының қолдауымен, 118-і мемлекеттік тұрғын үй қорының, 39-ы демеушілердің көмегімен берілген.

Даниал Ахметовтің айтуынша, үй беруде ауыл-аймақтардағы көпбалалы отбасыларға баса назар аударылып отыр.