Өскеменде аквапарк салынуы мүмкін, деп хабарлайды Алтайньюс тілшісі.

Облыс орталығында өткен «Бизнеске арналған 50 нақты ұсыныс» атты инвестициялық форумда осындай ұсыныс айтылды.

– Қала ішінде аквапарк жобасына ешқандай бәсекелестік жоқ. Қызмет көрсету дұрыс жолға қойылса, бұл жоба табысты болады, – дейді жеке кәсіпкер.

Аталмыш жобаға үлгі ретінде АҚШ-тағы сулы сырғанақ ұсынылды. Аквапарктен бөлек түрлі экстремалды көңіл көтеру орталықтары ашылуы мүмкін.

Қала тұрғындары аквапаркті армандағалы қашан. Енді инвестициялық форумнан кейін, жобаны қолға алатын кәсіпкер табылады деп күту керек.