Шығыс Қазақстан жол-көлік оқиғасы ең көп тіркелген үшінші өңір, деп хабарлайды Алтайньюс тілшісі.

Бұл туралы Құқықтық статистика және арнайы есеп комитеті Facebook-тегі ресми парақшасында жазды. Ондағы мәліметтерге сүйенсек, ШҚО-да жыл басынан бері 764 жол апаты тіркелген. Оның ішінде адам өліміне әкеліп соққандары да бар, әлбетте.

Өңірлер бойынша жол апатының ең көп саны Алматы облысында тіркелді (1700). Одан кейінгі сатыда Жамбыл өңірі тұр (907).

Сондай-ақ Солтүстік Қазақстан жол-көлік оқиғасы ең сирек болатын облыс деп танылды. Бұл өңірде 9 ай ішінде 124 жол апаты орын алған екен.