Елімізде 200-ге жуық мектепке «Мектептегі шахмат» пәні енгізілді, деп хабарлайды Алтайньюс тілшісі.

– Биыл 80-ге жуық қала мен ауылдардағы мектептерге (ұзын саны 160 мектеп) «Мектептегі шахмат» пәні енгізілді. Ол бұған дейін 40-тан астам білім ошағында оқытылып келген болатын. Шахматты үйреніп жатқан балалардың тізімі 15 мыңға жетті, – деді жоба менеджері Салтанат Ноғайбаланова.

Оның айтуынша, 40 мектеп оқытуға арналған техникамен толықтай жабдықталған. Бұдан бөлек оқу құралдары әзірленіп, 223 бапкер мен 25 мектеп психологы оқытылды.