Шығыс Қазақстандағы Риддер қаласында суық су өшеді, деп хабарлайды Алтайньюс тілшісі.

Кенді қала әкімдігінің мәліметіне сүйенсек,  бірнеше тұрғын ауданда бес күн қатарынан суық су тоқтатылады.

– 20 тамыз сағат 06:00 бастап 25 тамыз сағат 22:00 дейін Таловка, Ботаника, Гавань және Лесхоз кенттерінде жөндеу жұмыстарына байланысты тұтынушыларға су беру тоқтатылады, – делінген Риддер қаласы әкімдігінің хабарламасында.

Қала билігі тұрғындардың қосымша су қорын жинап алуына жәрдемдесу үшін арнайы техникалар жұмылдырылатынын мәлімдеді.