Шығыс Қазақстандық полицейлер қоян-қолтық күресінен өткен Азия чемпионатында екі алтынды қанжығалады, деп хабарлайды Алтайньюс тілшісі.

15 адамнан жасақталған Қазақстан құрама командасының сапында ШҚО Полиция департаментінің намысын қорғауға Асылбек Смаилов пен Айбек Саметаев аттанды.

Қырғызстанның Шопан-ата елді-мекенінде өткен чемпионатқа 12 елден 130-дан астам қатысушы қатысты. 80 және 85 келіде өнер көрсеткен екі полицей де Шығысқа алтынмен оралды.