Риддерде екі адамды топырақ басып қалды, деп хабарлайды Алтайньюс тілшісі.

Анасы мен баласы үйдің ауласынан су тарту үшін ор қазып жатқан. Арада біраз уақыт өтіп, ор тереңдегенде екі жағы опырылып түсіп, екі адамды бірдей басып қалады. Олар топырақтың құрсауында тырп етіп қозғала алмайды. Ұлы зордың күшімен бір қолын босатып, туыстарына телефон шалыпты.

– Құтқару операциясы екі сағатқа созылды. Жігіт аздап жарақат алған, – деді Риддер қалалық төтенше жағдай басқармасының қызметкері Сергей Бородин.

Қазір екеуі де дәрігер қарауынан өтті. Жағдайлары жақсы екенін айтады мамандар.