Семей қаласындағы бір шаңырақ 1941 жылы соғысқа кеткен аталарының зиратын Ресейден тапты, деп хабарлайды Алтайньюс тілшісі.

Мейрам Бұланбаев пен Айнаш Әділбаева Екінші дүниежүзілік соғысқа аттанған аталарын жылдар бойы іздеп келген.
Шаң басқан мыңдаған мұрағатты ақтарған олар ақыр соңында аталарының жатқан жері Ресейдегі Глазунов ауданы Сеньков ауылында екенін біліпті.

Әбдуақас Сағындықов соғыста 8-атқыштар дивизиясы, 229-атқыштар полкі құрамында болған. 1943 жылы 19 ақпанда Курск шайқасында қаза тапқан батырдың денесі 17 жауынгермен бірге жерленіпті.