Алтай ауданының Октябрьск кентіндегі орта мектептің шатыры тесіліп, төбеден шелектеп су ағып тұр. Бұл туралы кент тұрғындары әлеуметтік желіде жазды, деп хабарлайды Алтайньюс тілшісі.

Айта кетсек, ШҚО-да бүгін ауа райы күн рай бұзылып, жаңбыр жауды. Соның салдарынан Алтай ауданының Октябрьск кентіндегі орта мектептің төбесінен су аққан.

-Су жай тамшылап тұрған жоқ, шелектеп ағады. Мектептің терезелерін өткен жылы қазан айында сабақ басталғаннан кейін ауыстырған болатын. Балаларымыз осындай нашар жағдайда білім алуға мәжбүр, - деп жазады тұрғындардың бірі.