Сол жағалау саябағындағы бірқатар аңдар жабайы табиғатқа еркіндікке жіберілді, деп хабарлайды Алтайньюс тілшісі.

Бұл туралы ШҚО сәулет-этнографиялық және табиғи-ландшафтық  музей-қорығының баспасөз қызметі мәлімдеді.

Бақтағы төрт марал мен үш теңбіл бұғы Сібе көлінің аумағындағы жерге еркіндікке жіберілді. Бұл учаскеде аң аулауға тыйым салынған. Онда жемшөп қоры да жақсы екен.Сондай-ақ, жақын маңда орналасқан шаруа қожалықтары да қажет болған жағдайда жем беріп тұруға келісіп отыр.

Қазір хайуанаттар бағында 9 бұғы мен 7 марал қалған екен.