ШҚО-да кәмелеттік жасқа толмағандардың қатысуымен болған оқиғалар облыс көлемінде бұрынғымен салыстырғанда азайған, десе де кейбір аудандарда көрсеткіш керісінше, деп хабарлайды Алтайньюс тілшісі.

2018 жылы бастапқы үш айда 31 қылмыстық оқиға сотта қаралса, биылғы есепте – 14. Былтыр Алтай ауданы тізімнің басында болса, биыл – Глубокое.

– Бұзақылар көбіне Белоусовка, Предгорное, Уварова сынды халықтың табысы төмен жерлерден шығады. Олар үш-төртеу болып бірігеді де, мәселен, металл қабылдаушының басын жарып, ақшасын алып кетеді. Сосын қалаға келіп айфон сатып алады, – дейді сот төрағасы Анна Жұмағұлова.

Судьялар аталмыш ауданның тәртіп сақшыларына қылмыстың алдын алып, профилактикалық шаралар ұйымдастыру керегін айтты.