Санитар дәрігерлер қала тұрғындарының  бруцеллезге шалдығуының себебін түсіндірді, деп хабарлайды.

Бруцеллез (сарып) ауруы, көбп жағдайда адамға малдан жұғатыны белгілі. Сондықтан бұл жұқпалы ауруға ауыл тұрғындары шалдығып жатады.

2018 жылы ШҚО-да бруцеллез Абай, Аягөз, Глубокое, Жарма, Зайсан, Катонқарағай, Көкпекті, Күршім, Тарбағатай, Ұлан және Үржар аудандарының аумағында, сондай-ақ, Өскемен мен Семей қалаларында да тіркелген екен.

Науқастардың  84,1%-ы – мал шаруашылығымен айналысатын ауыл тұрғындары. Қалған 15,9 %-ы – қалалықтар.

Дәрігерлердің айтуынша, қалалықтар ет және сүт өнімдерін термиялық өңдеуден дұрыс өткізбегендіктен және көшедегі ұйымдастырылмаған сауда-саттық орындарынан алынған азық-түліктен жұғады.