Адам көп жиналатын жерлерде бетперде тағу керек - Бас санитариялық дәрігер
Қазіргі уақытта Республикада коронавирустық инфекция бойынша эпидемиологиялық жағдай тұрақты.
ҚР Бас санитариялық дәрігері адамдар көп жиналатын жерлерде бетперде тағуды ұсынды. Ол бұл туралы Орталық сайлау комиссиясында өткен жиында айтты, деп хабарлайды Altaynews тілшісі ҚазАқпаратқа сілтеме жасап.
Эпидемиологиялық жағдайды бағалау матрицасына сәйкес республика және барлық өңірлер жасыл аймақта орналасқан.
Оның айтуынша, 12 өңірде (Астана, Алматы қалалары, Ақмола, Ақтөбе, ШҚО, Абай, БҚО, Қарағанды, Ұлытау, Қостанай, Қызылорда, Маңғыстау облыстары) R көрсеткіші бірліктен жоғары, бұл инфекцияның таралуының өскенін көрсетеді.
Қазіргі уақытта ЖРВИ және тұмаумен сырқаттанғандардың маусымдық өсуі байқалады. Ауырғандар саны өткен жылдың осы кезеңімен салыстырғанда 20% өсті.