Биыл 10 өңірде жастарға арналған бағдарлама іске қосылады
ҚР Ақпарат және қоғамдық даму министрі Дархан Қыдырәлі жастарды баспанамен қамту жұмыстары туралы айтты.
Биыл жыл соңына дейін 10 өңірде өңірлік тұрғын үй бағдарламаларын іске қосу жоспарланған.
- Жастардың тұрғын үй мәселесін шешу бойынша нақты жұмыстар жалғасады. Қазір өңірлік тұрғын үй бағдарламалары 6 өңірде іске қосылды. Биыл жыл соңына дейін осындай бағдарламаларды 10 өңірде әзірлеу жоспарланған, - деді Дархан Қыдырәлі министрліктің кеңейтілген алқа отырысында.
Айта кетейік, таяуда мемлекеттік жастар саясаты туралы заң қабылданды. Заңға сәйкес, жастар санаты 35-ке дейін ұлғайды. Бұл санаттағы азаматтар саны 6 миллионға дейін көбейді.
Оқи отырыңыз
