ШҚО аумағында барлық бағыттағы жолдар ашылды.

Кеше боранның салдарынан облыста бірқатар тас жолдарда көлік қозғалысы тоқтатылған болатын, деп хабарлайды Altaynews тілшісі.

«ОблШығысЖол» ЖШС ақпараты бойынша, бүгін сағат 06.00-ден бастап облыстық маңызы бар «Өскемен – Тарғын - Самар» тас жолының 88-145 шақырымындағы «Жоғарғы Тайынты ауылы - Самар ауылы» учаскесі көліктің барлық түрі үшін қайта ашылды.

«Қазақавтожол» ЖШС ШҚОФ ақпараты бойынша сағат 07.30-дан бастап республикалық маңызы бар «Омбы Майқапшағай» тас жолының 1087-1321 шақырымындағы «Боғас – ҚХР шекарасы» учаскесінде көлік қозғалысы қайта жанданды.

Сағат 07.030-дан бері облыс аумағындағы барлық бағыттағы жолдарда ешқандай шектеулер жоқ. Дегенмен, алыс жолға шығар алдында «Дәрмен» мобильді қосымшасы арқылы автожолдардағы ахуалды алдын ала біліп алған жөн.