ШҚО: Антикор құрылыс саласындағы жемқорлық тәуекелдеріне талдау жүргізуде
ҚР Сыбайлас жемқорлыққа қарсы іс-қимыл агенттігі бекіткен «Бизнеске жол» жобасын іске асыру жөніндегі талдамалық іс-шаралардың бірыңғай жоспарына сәйкес, 3 шілдеден бастап ШҚО Антикор «Шығыс Қазақстан облысының мемлекеттік сәулет-құрылыс бақылау басқармасы» ММ қызметінде сыбайлас жемқорлық тәуекелдеріне сыртқы талдау жүргізуде.
Құрылыс саласында қандай да бір жемқорлыққа тап болған тұрғындар шағымдарын Антикордың 8 775 77 88 099 WhatsApp нөміріне жолдай алады, деп хабарлайды Altaynews тілшісі.
- Талдау барысында басқарманың мемлекеттік қызмет көрсету, рұқсат беру функцияларын, сәулет, қала құрылысы және құрылыс қызметі саласындағы мемлекеттік бақылау және қадағалау функцияларын жүзеге асыру рәсімдерінде сыбайлас жемқорлық тәуекелдерін анықтау маңызды. Құрметті облыс тұрғындары, осы саладағы сыбайлас жемқорлық тәуекелдерін жою үшін әркімнің пікірі маңызды. Сондықтан, шетте қалмауды және азаматтық ұстаным танытуларыңызды сұраймыз, - дейді ҚР Сыбайлас жемқорлыққа қарсы іс-қимыл агенттігінің ШҚО бойынша департаменті.
Осыған байланысты көрсетілген мәселеге қатысты ақпарат, шағымдарыңыз бен ұсыныстарыңыз болса, analiz-vko@mail.ru электронды мекенжайына немесе 8 775 77 88 099 WhatsApp нөміріне жолдауға болады.
Оқи отырыңыз
