Демалыс күндері ауа райы қандай болады?
Фото: aikyn.kz
"Қазгидромет" РМК 23-25 қыркүйек аралығына арналған ауа райы болжамын жариялады.
Синоптиктердің болжамынша, демалыс күндері кей аймақтарда күн суытып, жауын-шашын болады, деп хабарлайды Altaynews тілшісі.
- Елдің шығысында және оңтүстік-шығысында жаңбыр жауады, кей жерлерде қатты жаңбыр жауады, түнде таулы аймақтарда жаңбыр соңы қар аралас жаңбырға айналуы мүмкін, – дейді "Қазгидромет" РМК баспасөз қызметі.
Синоптиктердің мәліметінше, түнде және таңертең еліміздің солтүстігінде, шығысында және орталығында 2 градусқа дейін үсік жүреді.
Солтүстік, оңтүстік облыстарда және республика орталығында ауа температурасы +18+23°-қа дейін көтерілсе, республиканың шығысында ауа температурасы +7+13°-қа дейін төмендейді.
Оқи отырыңыз
