Шығыс өңірінде күн райы бұзылады, деп хабарлайды Altaynews.kz тілшісі.

«Қазгидромет» РМК-ның Шығыс Қазақстандағы филиалының ақпаратына сүйенсек, 23 қазанда облыстың шығыс бөлігінде нөсер жауын жауып, қарға ұласуы ықтимал. Көктайғақ болатынын айтты мамандар. Жел оңтүстік-батыстан солтүстік-батысқа қарай 15-20 м/с жылдамдықпен соғады. Өңірдің солтүстігінде, шығысында және оңтүстігінде жел екпіні секундына 23-28 метрге жетеді.

Облыстық төтенше жағдайлар департаменті мынадай қауіпсіздік шараларын сақтауға шақырады:

Жел кезінде:

- Кішігірім және жөнделіп жатқан ғимараттардан, көпірлерден, электр желілерінен, ағаштардан аулақ болыңыз;

- Көлікті ағаштардың астына және әлсіз құрылымдарға қоймаңыз;

- Жауын-шашын мен көктайғақ кезінде жолда қауіпсіздік шараларын сақтап, шұғыл маневр жасамау керек және жылдамдық режімін сақтаған жөн.

Төтенше жағдай кезінде 112 нөміріне хабарлаусу қажет.