ШҚО-да дауылды ескерту жарияланды
Фото: Aikyn.kz
22 қазанда жел күшейіп, жауын-шашын болуы мүмкін.
Бүгін түнде ШҚО-ның солтүстігі мен шығысында жауын-шашын, қар аралас жаңбыр болады, деп хабарлайды Altaynews тілшісі.
Кей аймақтарда тұман түсуі ықтимал.
- Күндіз солтүстікте, облыстың орталығында екпіні секундына 15-20 метрге жететін жел соғады, - дейді синоптиктер.
ШҚО ТЖД азаматтардан қауіпсіздік шараларын сақтауды сұрайды:
Жел кезінде:
- Жөнделіп жатқан ғимараттардың, электр желілерінің және ағаштардың жанымен жүрмеуге тырысыңыз.
- Автокөлікті ағаштардың астына қоймаңыз.
- Тұман болған жағдайда автожолдарда қауіпсіздік шараларын сақтаңыз.
Төтенше жағдай кезінде бірден 112 нөмірі бойынша хабар беріңіз.
Оқи отырыңыз
